TDBGI

Hoş geldiňiz!

Türkmen döwlet binagärlik-gurluşyk instituty
Habarlaşmak üçin
Hoş geldiňiz!

Türkmen döwlet binagärlik-gurluşyk instituty
Habarlaşmak üçin
Hoş geldiňiz!

Türkmen döwlet binagärlik-gurluşyk instituty
Habarlaşmak üçin

TÜRKMEN DÖWLET BINAGÄRLIK-GURLUŞYK INSTITUTY

Türkmen döwlet binagärlik-gurluşyk instituty barada maglumatlar

Taslamalar

Institutyň binagärlik taslama işleri

Giňişleýin

Dalaşgärler üçin

Dalaşgärlige degişli maglumatlar

Giňişleýin

Institutyň içki gurluşy

Giňişleýin

Aspirantura bölümi

Aspirantura bölümi barada

Giňişleýin

Instituty wideo şekilli tanyşdyrylyşy

TÜRKMEN DÖWLET BINAGÄRLIK-GURLUŞYK INSTITUTY

Häzirki wagtda Türkmen döwlet binagärlik-gurluşyk institutynda 8 fakultet we 28 kafedra hereket edýär we 4635 sany talyp 10 ugur we 34 hünär boýunça döwrüň talabyna laýyklykda bilim alýarlar. Bakalawr maksatnamasynyň 7 sany ugry boýunça 13 sany taýýarlygyň ugrundan bakalawrlar taýýarlanýar. Institut Türkmenistanyň döwlet we hususy eýeçilikdäki edaralary we kärhanalary üçin ýöriteleşdirilen ugurlar boýunça hünärmenleri taýýarlaýar we her ýylda 759-dan gowrak ýokary bilimli hünärmenleri goýberýär.

0:00 / 0:00

Taslamalar

TÜRKMEN DÖWLET BINAGÄRLIK-GURLUŞYK INSTITUTYNYŇ MUGALLYMLARYNYŇ WE TALYPLARYNYŇ TASLAMALARY

Dünýäniň dürli künjegindäki hyzmatdaslarymyz

Dünýäniň dürli künjegindäki hyzmatdaş kompaniýalarymyz bilen birnäçe taslamalarymyzy amamla aşyrmakda iş salyşýarys

Dünýäniň birnäçe kompaniýalary bilen hyzmatdaşlyk

Fakultetler

Kafedralar

Hünärler

Ugurlar

Tejribehanalar

4901

Talyplar

Täzelikler

07-07-2026

BILIM – BAGTYŇ ÇYRAGY

Hormatly Prezidentimiziň karary bilen tassyklanylan «Türkmenistanda ýokary hünär bilimini ösdürmegiň 2026-2052-nji ýyllar üçin Strategiýasyna» we ony amala aşyrmak boýunça ýerine ýetirilmeli çäreleriň meýilnamasyna laýyklykda ýurdumyzyň ýokary okuw mekdeplerinde bilim bermek işi aýratyn ähmiýete eýe bolýar. Hususan hem döwrüň talaplaryna laýyklykda, bilimiň hilini täze derejelere çykarmak, şeýle hem okuw dersleri üçin elektron görnüşindäki neşirlerini we okuw-usuly toplumlaryny, audio-wideo maglumatlary, elektron okuw kitaplaryny we okuw-usuly gollanmalaryny işläp taýýarlamak, milli we halkara tejribeleriň esasynda bilim işgärlerini taýýarlamak, mugallymlaryň hünär ussatlyklaryny ýokarlandyrmak, halypa-şägirtlik gatnaşyklaryny ösdürmek hem-de ulgamlaýyn dowam etdirmek, bu ugurda kabul edilen milli maksatnamalar, strategiýalar, konsepsiýalary durmuşa geçirmek esasy wezipeler hökmünde galýar. Bu Strategiýanyň wagyz etmek boýunça Türkmen döwlet binagärlik-gurluşyk onstitutynyň Raýat goranyşy faku;tetiniň serkerüde-mugallymlarynyň we harby talyplarynyň gatnaşmagynda «Bilim – bagtyň çyragy» atly wagyz-nesihat çäresi geçirildi, Bu çärede çykyş edenler täze okuw ylyna guramaçylykly başlamak we okuw-terbiýeçilik işlerini döwrebap guramak babatynda Türkmen döwlet binagärlik-gurluşyk institutynyň Raýat goranyşy fakultetinde önümçilik maslahatlaryň, usuly-iş maslahatlaryň dürli görnüşleriniň geçirilmegi, esaslyk maksatnamalarydyr, okuw meýilnamalarynyň täzeden seljerilip taýýarlanylmagy bilen baglanyşykly işleriň alnyp barylmagy, serkerde-mugallymlaryň hünärlerini kämilleşdirmekleri, harby talyplaryň kämil bilim-terbiýe almaklary babatynda bellediler. Bu ugurdaky maksat geljekde hem ýaş nesillere bilim-terbiýe begmegiň, talyp ýaşlara şahsy we jemgyýetçilik ahlak düzgünlerini öwretmegiň iň netijeli tärlerini tapmaga, olary durmuşa ornaşdyrmaga hem-de bilim ulgamynyň işgärleriniň işiniň netijeliligini ýokarlandyrmaga gönükdirilendir. Döwletiň berk binýady we kuwwaty, ähli ösüşleriň badalgasy bolan bilim ulgamyny döwlet syýasatynyň esasy ugurlarynyň birine öwren Gahryman Arkadagymyzyň hem-de hormatly Belent Serkerdebaşymyzyň janlary sag, ömürleri uzak, alyp barýan döwletli işleri elmydama rowaç alsyn! Nurýagdy AKMÄMMEDOW, Türkmen döwlet binagärlik-gurluşyk instutynyň Raýat goranyşy fakultetiniň dekanynyň orunbasary, polkownik.

Hemmesi

07-07-2026

Türkmen pälwany 20 ýaşa çenli türgenleriň arasynda Aziýanyň çempiony boldy

Erkin göreş boýunça Türkmenistanyň milli ýygyndysynyň agzasy Döwletgeldi Myradow 2026-njy ýylyň 4–5-nji iýulynda Taýlandyň Pattaýýa şäherinde geçirilen Aziýa çempionatynda (U20 Asian Wrestling Championships) altyn medal gazandy. Türkmen döwlet binagärlik-gurluşyk institutynyň talyby bolup durýan türkmen türgeni ajaýyp taýýarlyk görkezdi we 92 kilograma çenli agram derejesinde hormat münberiniň iň ýokarky basgançagyna çykdy. Ýaryş Birleşen göreş dünýäsiniň (UWW) howandarlygynda geçirildi.

Hemmesi

07-07-2026

Halkara giňişliginde taryhy üstünlik: Türkmen döwlet binagärlik-gurluşyk instituty «THE Sustainability Impact Ratings 2026» global reýtingine girdi

Hormatly mugallymlar, işgärler we institutymyzyň talyplary! Okuw mekdebimiziň taryhynda möhüm tapgyry aňladýan ruhlandyryjy täzeligi size buýsanç bilen habar berýäris. Türkmen döwlet binagärlik-gurluşyk instituty Times Higher Education (THE) Sustainability Impact Rankings 2026 abraýly global reýtingine resmi taýdan girdi! Bu abraýly halkara sanawyna girmek we «Sustainability Impact Rated» resmi derejesini almak diňe bir üstünliklerimiziň ykrar edilmegi däldir. Bu, institutymyzyň dünýä ylym-bilim giňişligine üstünlikli utgaşýandygynyň we BMG-niň Durnukly ösüş maksatlaryny (DÖM) durmuşa geçirmäge hakyky goşant goşýandygynyň tassyknamasydyr. Dünýä reýtingindäki esasy gazananlarymyz: Dünýä derejesinde ykrar edilmek: Institut durnukly hil ösüşini görkezip, global sanawda öz orunlaryny pugta eýeledi. Ekologiýa we tehnologiýalarda liderlik: Institutymyz «Arassa suw we sanitariýa» (DÖM 6) kategoriýasynda iň ýokary netijäni görkezip, dünýäde ýokary orny eýeledi, bu bolsa inženerçilik we ylmy işlerimiziň möhümdigini nygtaýar. Bilimiň hili we abadançylyk: Ýokary hünärmen bahalary «Hilli bilim» (DÖM 4) we «Gowy saglyk we abadançylyk» (DÖM 3) ugurlary boýunça alyndy, bu bolsa saýlap alan bilim standartlarymyzyň dogrudygyny tassyklaýar. Bu taryhy üstünlik ýene bir ägirt uly waka — täze döwrebap okuw binalar toplumymyzyň dabaraly açylmagynyň öňüsyrasynda gabat geldi. Täze giň auditoriýalar, öňdebaryjy barlaghanalar we döwrebap ussahanalar her birimiz üçin ylmy açyşlara we hünär taýdan ösmäge has giň mümkinçilikleri açar. Bu her birimiz üçin nämäni aňladýar? Talyplar üçin — bu institutymyzyň diplomynyň halkara derejesinde barha uly ähmiýete eýe bolýandygynyň we bu ýerde alýan bilimleriňiziň dünýä meýillerine kybap gelýändiginiň görkezijisidir. Professor-mugallymlar düzümi üçin — bu siziň gündelik asylly zähmetiňiziň, ylmy-barlaglaryňyzyň we halkara hyzmatdaşlygyňyzyň (şol sanda Erasmus+ maksatnamalarynyň we Ýewropanyň hem-de Aziýanyň öňdebaryjy ýokary okuw mekdepleri bilen bilelikdäki taslamalaryň) ykrar edilmegidir. Bilim — bu dünýäni üýtgetmäge ukyply güýçdür. THE Sustainability Impact Ratings 2026 reýtingine girmek dogry ugurdan barýandygymyzy subut edýär. Goý, bu üstünlik täze açyşlar, batyrgaý inženerçilik taslamalary we okuwdaky ajaýyp ýeňişler üçin kuwwatly itergi bolsun! Institutymyzyň ähli işgärleri bu halkara üstünligi bilen gutlaýarys! Biz bilelikde Watanymyzyň ylmynyň we biliminiň geljegini gurýarys! Resmi maglumatlar bilen tanyşmak üçin şu salgylanma boýunça geçiň.

Hemmesi

04-07-2026

Baý taryhymyz we medeni mirasymyz — ýaş meýletinçileriň ylham çeşmesi

Häzirki wagtda ýurdumyzda Arkadagly Gahryman Serdarymyzyň baştutanlygynda medeni-ruhy gymmatlyklarymyzy aýawly saklamaga, öwrenmäge we dünýä ýaýmaga aýratyn üns berilýär. 2026-njy ýylyň “Garaşsyz, baky Bitarap Türkmenistan – bedew batly at-myradyň mekany” diýlip yglan edilmegi hem-de mukaddes Garaşsyzlygymyzyň şanly 35 ýyllygy mynasybetli ýurdumyzda uly halkara çäreleri meýilleşdirilýär. Bu dabaraly çärelerde meýletinçi ýaşlaryň ornuny artdyrmak, olary ýokary derejede taýýarlamak, şeýle-de taryhy, medeni we etnografik gymmatlyklarymyzyň many-mazmunyny wagyz-nesihat etmek maksady bilen, Türkmen döwlet binagärlik-gurluşyk institutynyň Meýletinçiler merkezi tarapyndan Türkmenistanyň Döwlet medeniýet merkeziniň Döwlet muzeýine göçme okuw sapagy gurnaldy. Göçme okuwyň çäklerinde institutyň tejribeli mugallymlary çykyş edip, muzeýiň ýaşlaryň gözýetimini giňeltmekdäki hem-de halkara çärelerine taýýarlanýan meýletinçileriň dil we medeni taýýarlygyny kämilleşdirmekdäki ähmiýeti barada, şeýle hem pederlerimizden galan mirasymyzy ylmy taýdan öwrenmek barada, sanly tehnologiýalaryň we innowasiýalaryň üsti bilen milli gymmatlyklarymyzy dünýä jemgyýetçiligine ýetirmegiň döwrebap usullary barada giňişleýin durup geçdiler. Göçme okuwa institutymyzyň işjeň meýletinçi talyplary hem gatnaşyp, muzeýiň taryhy, etnografik hem-de tebigat bölümlerini aýlanmak bilen özleriniň buýsançly täsirlerini paýlaşdylar. Bu çäre meýletinçi talyplaryň öňümizdäki halkara forumlarynda ýurdumyzyň baý medeniýetini daşary ýurtly myhmanlara ýokary derejede düşündirip bilmekleri üçin uly amaly tejribe bolar. Bu çärä gatnaşanlar medeni mirasymyzy öwrenmäge giň ýol açyp berýän Gahryman Arkadagymyza we Arkadagly Gahryman Serdarymyza özleriniň hoşallyklaryny bildirdiler. Kümüş Allabaýewa, Türkmen döwlet binagärlik-gurluşyk institutynyň Meýletinçiler merkeziniň başlygy

Hemmesi

01-07-2026

TÄZE ÜSTÜNLIKLER: Türkmen döwlet binagärlik-gurluşyk institutynyň talyby Aziýa we Okeaniýa çempionatynda sambo boýunça kümüş medala eýe boldy

2026-njy ýylyň iýun aýynyň 27-28-i aralygynda Filippin döwletiniň Manila şäherinde sportuň Sambo boýunça geçirilen “2026 Asia Oceania Sambo Championships” atly turnir ýaryşynda Türkmen döwlet binagärlik-gurluşyk institutynyň Inžener-mehanika fakultetiniň “Elektrik üpjünçiligi” hünäriniň 3-nji ýyl talyby Baýramow Babamurat çykyş edip baýrakly II orna kümüş medala mynasyp boldy. Bu bolsa ýurdumyzyň sport abraýyny has-da belende galdyrdy. Babamurat Baýramowa geljekde hem sport äleminde uly üstünlikler gazanmagyny arzuw edýäris.

Hemmesi

29-06-2026

Medeniýet we sungat işgärleriniň güni hem-de beýik şahyr Magtymguly Pyragynyň şygryýet güni mynasybetli guralan ylmy-amaly maslahat

Türkmen döwlet binagärlik-gurluşyk institutynda 22-nji iýun güni Medeniýet we sungat işgärleriniň hem-de beýik şahyr Magtymguly Pyragynyň şygryýet güni mynasybetli ylmy-amaly maslahat ýokary guramaçylyk derejesinde geçirildi. Bu çäre ýurdumyzyň medeni mirasyny, milli gymmatlyklaryny hem-de ylmy ösüşlerini wagyz etmekde möhüm ähmiýete eýe boldy. Maslahatyň dowamynda Binagärlik-gurluşyk fakultetinde onuň II bölümçesi hem üstünlikli dowam etdirildi. Çykyş eden mugallymlar binagärlik sungatynyň ösüş ugurlary, häzirki zaman gurluşyk tehnologiýalary, şäher gurluşygyny kämilleşdirmek, şeýle hem milli binagärlik ýörelgeleriniň häzirki döwrüň talaplary bilen utgaşdyrylmagy barada giňişleýin we mazmunly çykyş etdiler. Şeýle hem çykyşlarda Magtymguly Pyragynyň döredijiliginiň ýaş nesli watançylyk, ynsanperwerlik hem-de ruhy-ahlak taýdan terbiýelemekdäki orny aýratyn nygtaldy. Gatnaşyjylar özlerini gyzyklandyrýan soraglaryny berip, mugallymlar bilen işjeň pikir alyşdylar. Maslahat özara tejribe paýlaşmak hem-de ylmy pikir alyşmak görnüşinde dowam edip, ýokary derejede jemlendi.

Hemmesi

29-06-2026

Türkmen döwlet binagärlik-gurluşyk institutynda “Türkmen medeni mirasymyz – müdimi ýol ýörelgämiz!” atly okuw seminary geçirildi

Berkarar döwletiň täze eýýamynyň Galkynyşy döwründe, “Garaşsyz, baky Bitarap Türkmenistan – bedew batly at-myradyň mekany” ýyly bolan 2026-njy ýylda, ýurdumyz şanly taryhy wakalaryň bosagasynda dur. Ýurdumyzyň mukaddes Garaşsyzlygynyň 35 ýyllyk baýramy mynasybetli guraljak halkara çärelerine ýokary derejeli taýýarlyk görmek, şeýle hem Medeniýet we sungat işgärleriniň hem-de Magtymguly Pyragynyň şygryýet gününi dabaralandyrmak maksady bilen, Türkmen döwlet binagärlik-gurluşyk institutynyň Meýletinçiler merkeziniň guramagynda “Türkmen medeni mirasymyz – müdimi ýol ýörelgämiz!” atly okuw seminary geçirildi. Bu çärede çykyş eden mugallymlar we talyplar döwletimiziň taryhy ösüşleri, milli medeniýetimiz we geljekki strategiýalar barada örän täsirli we ähmiýetli möhüm meselelere seretdiler. Seminaryň çäklerinde gozgalan esasy temalar we çykyşlar şulardan ybarat boldy: Döwlet strategiýalary we halkara ülňüleri: “Diller” kafedrasynyň uly mugallymy Kümüş Allabaýewa öz çykyşynda “2026–2052-nji ýyllar üçin esasy döwlet strategiýalary halkara ülňülerini ornaşdyrmaga badalga” diýen tema degip geçip, ýurdumyzyň geljekki ösüş ugurlarynyň halkara derejesindäki ähmiýetini düşündirdi. Milli medeniýet we däp-dessurlar: “Jemgyýeti öwreniş ylymlary” kafedrasynyň uly mugallymy Zylaýha Orazowa “Türkmen medeniýeti milli däp-dessurlarymyzyň gönezligidir” atly çykyşy bilen türkmen halkynyň baý medeni mirasynyň ýaş nesilleri terbiýelemekdäki ornuny aýdyňlaşdyrdy. Bilim ulgamynyň döwrebaplaşdyrylmagy: “Önümçiligi awtomatlaşdyrmak” kafedrasynyň uly mugallymy, institutyň Ýaş alymlar geňeşiniň başlygy Babajan Bekmürzäýew “Ýokary hünär bilimini döwrebaplaşdyrmak — ykdysadyýeti ösdürmegiň wajyp şerti” baradaky çykyşynda innowasion bilimiň ykdysady ösüşe goşýan goşandyny belläp geçdi. Geljege ugrukdyrýan medeni miras: “Tehnologik maşynlar we enjamlar” kafedrasynyň mugallym-öwrenijisi Ahmet Akmuhammedow “Medeni miras – geljegiň şam çyragy” atly temasy bilen taryhy gymmatlyklarymyzyň şu günümizi we geljegimizi ýagtyldýan esasy güýçdigini nygtady. Institutymyzyň Maglumat howpsuzlygy hünäriniň 1-nji ýyl talyby Daýanç Akmämmedow “Medeniýet – halklary birleşdirýän köpri” diýen tema boýunça çykyş edip, Garaşsyzlygyň 35 ýyllygynda geçiriljek halkara çärelerinde meýletinçi talyplaryň halkara dostluk gatnaşyklaryny berkitmekde oýnajak möhüm ornuny dabaralandyrdy. Geçirilen bu çäre institutyň meýletinçi talyplarynyň halkara ülňülere laýyklykda taýýarlyk derejesini ýokarlandyrmakda, olarda watançylyk we milli buýsanç duýgularyny kämilleşdirmekde uly ähmiýete eýe boldy. Ýaşlar Watanymyzyň mukaddes Garaşsyzlygynyň şanly 35 ýyllyk baýramyny zähmet we ylym üstünlikleri bilen garşylamaga taýýardyklaryny görkezdiler. Kümüş Allabaýewa, Türkmen döwlet binagärlik-gurluşyk institutynyň Meýletinçiler merkeziniň başlygy

Hemmesi

28-06-2026

Türkmenistanyň Döwlet Medeniýet merkeziniň Döwlet kitaphanasyna okuw-tejribeligi guraldy

Türkmen döwlet binagärlik-gurluşyk institutynyň Binagärlik-gurluşyk fakultetiniň Binagärlik kafedrasynyň 3-nji ýyl talyplary üçin Türkmenistanyň Döwlet Medeniýet merkeziniň Döwlet kitaphanasyna okuw-tanyşlyk tejribeligi guraldy. Çärä “Binagärlik gurşawynyň dizaýny”, “Binagärlik” hem-de “Şähergurluşyk we ilatly ýerleri meýilleşdirmek” hünärleri boýunça bilim alýan talyplar gatnaşdylar. Okuw-tejribeligi mugallym-öwreniji Myradow Arslan hem-de mugallym Hojaberdiýew Aşyrgeldiniň ýolbaşçylygynda geçirildi. Okuw-tejribeliginiň esasy maksady talyplary ýurdumyzyň iri medeni ojaklarynyň biri bolan Döwlet kitaphanasynyň binagärlik aýratynlyklary, gurluş çözgütleri, içerki giňişlikleriniň guralyşy hem-de häzirki zaman kitaphana hyzmatlarynyň işi bilen ýakyndan tanyşdyrmakdan ybarat boldy. Tejribäniň dowamynda talyplar kitaphananyň okalga zallaryna, elektron maglumat merkezlerine, kitap gaznalaryna we beýleki bölümlerine aýlanyp gördüler. Şeýle-de, olara kitaphananyň binagärlik taslamasy, içerki we daşky bezeg aýratynlyklary, giňişlikleriň funksional ýerleşdirilişi hem-de ulanylyş netijeliligi barada giňişleýin maglumatlar berildi. Talyplar kitaphana binasynyň taslamalaşdyrylyşynda ulanylan häzirki zaman binagärlik usullaryny, jemgyýetçilik binalaryna bildirilýän talaplary hem-de binagärlik gurşawyny taslamalaşdyrmagyň aýratynlyklaryny öwrenmäge mümkinçilik aldylar. Bu bolsa olaryň nazary bilimlerini amaly tejribe bilen utgaşdyrmagyna, hünär başarnyklaryny kämilleşdirmegine we geljekki hünär işine taýýarlygyny ýokarlandyrmagyna ýardam berdi. Okuw-tanyşlyk tejribeliginiň ahyrynda talyplar özlerini gyzyklandyrýan soraglara jogap aldylar, kitaphananyň işiniň aýratynlyklary hem-de binanyň taslama çözgütleri barada goşmaça maglumatlar bilen tanyşdylar. Şeýle okuw-tejribelikleri ýaş hünärmenleriň hünär taýdan kämilleşmeginde, döredijilikli pikirlenişiniň ösmeginde hem-de amaly bilimleriniň baýlaşmagynda möhüm ähmiýete eýedir.

Hemmesi

28-06-2026

“Taýboks boýunça halkara üstünlik – ýaşlaryň ýeňşi”

Türkmen döwlet binagärlik-gurluşyk institutynyň Binagärlik-gurluşyk fakultetiniň “Senagat we raýat jaý gurluşygy” kafedrasynyň 3-nji ýyl talyplary – “A” toparynyň talyby Möjekow Jemşit we Baýmyradow Muhammetmyrat “B” toparynyň talyby 2026-njy ýylyň 12–21-nji iýun aralygynda Gyrgyz Respublikasynda geçirilen “Gyrgyz Merjeni” atly halkara sport oýunlarynda “TAÝBOKS” görnüşi boýunça üstünlikli çykyş edip, 2-nji orna mynasyp boldular. Bu gazanylan üstünlik olaryň sporta bolan çyn ýürekden yhlasynyň, yzygiderli türgenleşiginiň hem-de ýeňşe bolan berk erk-isleginiň netijesidir. Şeýle ýokary derejeli halkara ýaryşlarda üstünlik gazanmak diňe bir şahsy ýeňiş bolman, eýsem ýurdumyzyň ýaşlarynyň hem ukyp-başarnygynyň dünýä derejesinde ykrar edilýändigini görkezýär. Halkara arenasynda gazanylan bu üstünlik ýaşlaryň arasynda sporta bolan gyzyklanmany has-da güýçlendirýär, olary täze sepgitlere ýetmäge ruhlandyrýar. Şeýle hem bu ýeňiş watançylyk duýgunyň has-da berkemegine we ýurdumyzyň halkara sport abraýynyň ýokarlanmagyna hyzmat edýär. Şeýle giň mümkinçilikleri döredip berýän Gahryman Arkadagymyza hem-de Arkadagly Gahryman Serdarymyza tüýs ýürekden sagbolsun aýdýarys. Olaryň janlarynyň sag, ömürleriniň uzak, döwlet işleriniň hemişe üstünlikli bolmagyny arzuw edýäris.

Hemmesi

25-06-2026

“Ösen emeli intellekt goşundylary arkaly bilimi Ýaşyllaşdyrmak: Maglumatlary durnukly herekete öwürmek” atly halkara onlaýn webinar geçirildi

2026-njy ýylyň 24-nji iýunynda Türkmen döwlet binagärlik-gurluşyk institutynyň professor-mugallymlarynyň sanly wideoaragatnaşyk arkaly gatnaşmagynda ÝUNESKO-nyň Bilimde maglumat tehnologiýalary boýunça instituty (UNESCO IITE) we Hytaýyň “Weidong Cloud Education Group” kompaniýasy tarapyndan guralan “Ösen emeli intellekt goşundylary arkaly bilimi Ýaşyllaşdyrmak: Maglumatlary durnukly herekete öwürmek” atly halkara onlaýn webinar geçirildi. Bu wajyp çäre “Informasiýa we Kommunikasiýa Tehnologiýalarda başarnyklary we innowasion pedagogika arkaly geljegiň mekdeplerini gurmak” atly bilelikdäki strategik taslamanyň çäginde möhüm ädim boldy. Webinaryň esasy maksady – ýokary tehnologik düşünjeler bilen synp otagyndaky amaly sapaklaryň arasynda köpri gurmakdan hem-de mugallymlary durnukly ösüşi üpjün etmekde işjeň güýje öwürmekden ybaratdyr. Häzirki wagtda ekologik meseleleri çözmekde ösen emeli intellekt (AI) tehnologiýalarynyň amaly ähmiýetini görkezmek we bu ugurdaky bilimleri okuw maksatnamalaryna ornaşdyrmak aýratyn ähmiýete eýe bolup durýar. 75 minut dowam eden bu onlaýn maslahata dünýäniň dürli künjeklerinden ylmy barlagçylar, ýokary we orta hünär bilim edaralarynyň wekilleri, okuw maksatnamalaryny düzüjiler, döwlet resmileri hem-de maglumat-kommunikasiýa tehnologiýalary pudagynyň öňdebaryjy hünärmenleri gatnaşdy. Maslahatyň dowamynda mugallymlara we bilim işgärlerine emeli intellektiň daşky gurşawy goramakdaky mümkinçiliklerini düşündirmegiň iň amatly we gyzykly usullary görkezildi. Çärede şu aşakdaky esasy wezipelere üns çekildi: Mugallymlary tanyşdyrmak: Mugallymlary durnukly ösüş ugrundaky elýeterli emeli intellekt programmalary bilen tanyşdyrmak. Ýönekeý düşündiriş usullary: Çylşyrymly emeli intellekt düşünjelerini okuwçylara ýönekeý we özüne çekiji usulda düşündirmegiň ýollaryny tapmak. Taýýar taslamalar: Emeli intellekti, “ýaşyl” tehnologiýalary we okuw meýilnamasyny baglanyşdyrýan taýýar sapak hem-de taslama pikirlerini hödürlemek. Tankydy pikirleniş: Okuwçylaryň tankydy pikirleniş we meseleleri çözmek ukyplaryny “ýagşylyk üçin emeli intellekt” prizmasy arkaly ösdürmek. Webinaryň çäginde ÝUNESKO-nyň ştab-kwartirasynyň, Gonkongyň Bilim uniwersitetiniň, Sankt-Peterburg we Malaýziýa ýaly ýurtlaryň öňdebaryjy ýokary okuw mekdepleriniň bilermenleri çykyş etdiler. Olar “Ýaşyl okuw maksatnamasy: Emeli intellekt bilen bagly mümkinçilikler” hem-de “Mugallymlary taýýarlamakda emeli intellekt sowatlylygy arkaly durnukly geljegi kemala getirmek” ýaly möhüm mowzuklarda özara tejribe alyşdylar. Şeýle-de, geçirilen panel çekişmeleriniň dowamynda sanly gysga we anyk gurallary häzirki zaman bilim gurşawyna amaly taýdan ornaşdyrmagyň mümkinçilikleri we kynçylyklary ara alnyp maslahatlaşyldy. Maslahatyň netijeleri boýunça gatnaşyjylaryň daşky gurşawyň meselelerini çözýän anyk emeli intellekt goşundylaryny tanamak, synpda durmuşa geçirip boljak mini-taslamalary taýýarlamak hem-de mugallymlar üçin niýetlenen mugt platformalary we daşky gurşawa degişli açyk maglumatlar binazasyny (open datasets) nireden tapmalydygyny öwrenendikleri bellenildi. Çäräniň ahyrynda Ähli gatnaşyjylara amaly taýdan ulanmaklary üçin ýörite serişdeler toplumy, şol sanda webinaryň wideoýazgysy, slaydlar, mugt gurallaryň sanawy we sapak meýilnamalarynyň taýýar şablonlary ugradyldy. Bu halkara webinar, häzirki zamanyň iň ösen tehnologiýalarynyň diňe bir sanlylaşdyrmak maksatly däl, eýsem, geljek nesilleri ekologik taýdan sowatly, durnukly we jogapkärli edip terbiýelemekde iň uly gural bolup biljekdigini ýene bir gezek subut etdi. Gülnar TEKAÝEWA, Türkmen döwlet binagärlik-gurluşyk institutynyň Ylym bölüminiň esasy hünärmeni

Hemmesi

25-06-2026

“Magtymguly Pyragynyň dilleriniň senasy – bu gün bagtyýardyr türkmen binasy” atly ylmy-amaly maslahaty geçirildi

2026-njy ýylyň 22-nji iýunynda Türkmen döwlet binagärlik-gurluşyk institutynda Medeniýet we sungat işgärleriniň hem-de Magtymguly Pyragynyň şygryýet güni mynasybetli “Magtymguly Pyragynyň dilleriniň senasy – bu gün bagtyýardyr türkmen binasy” atly ylmy-amaly maslahaty geçirildi. Medeniýet we sungat işgärleriniň hem-de Magtymguly Pyragynyň şygryýet güni mynasybetli geçirilen bu ylmy-amaly maslahatynda milli mirasymyzy wagyz etmek, sungaty ösdürmek we ýaş zehinleri ýüze çykarmak ýaly meseleler ara alnyp maslahatlaşyldy. Milli medeniýetimizi, medeni mirasymyzy ösdürmäge uly üns berilýän ýurdumyzyň dünýä ýüzündäki gazanýan üstünlikleri barada maslahatda çykyş edenler buýsanç bilen bellediler. Magtymguly Pyragynyň baý döredijilik mirasy türkmen halkynyň ruhy genji-hazynasynyň, onuň öz köklerini müňýyllyklaryň jümmüşinden alyp gaýdýan özboluşly milli medeniýetiniň ähmiýetli hem-de aýrylmaz bölegidir. Türkmen nusgawy şahyrynyň goşgulary häzirki döwürde ruhy, ahlak, estetiki taýdan terbiýelemegiň öz ýokary maksadyny we belent wezipesini ýerine ýetirýär. Magtymguly Pyragynyň adamzadyň ruhy medeniýetiniň genji-hazynasyna giren eserleri häzirki wagtda adamlaryň kalbynda belent duýgulary oýarmak bilen dünýäniň ençeme dillerinde ýaňlanýandygy barada ylmy-amaly maslahatda çykyş edenler bellediler. Gülnar TEKAÝEWA, Türkmen döwlet binagärlik-gurluşyk institutynyň Ylym bölüminiň esasy hünärmeni

Hemmesi

22-06-2026

AMALY ONLAÝN OKUW SEMINARY

2026-njy ýylyň 16-njy iýunynda Inžener-mehanika fakultetiniň «Amaly mehanika» kafedrasynyň mugallymlarynyň gatnaşmagynda Türkmenistanyň Döwlet energetika instituty bilen bilelikde onlaýn okuw seminary geçirildi. Sapak kafedranyň dosenti, tehniki ylymlaryň kandidaty Gurbangeldi Gylyçdurdyýewiň ýolbaşçylygynda «Inženerçilik hasaplamalary boýunça amaly sapaklarda tehniki dersleriň özara baglanyşygyny açyp görkezmek» temasynda geçirildi. Seminaryň dowamynda inženerçilik hasaplamalary, tehniki dersleriň özara baglanyşygy we okatmagyň häzirki zaman usullaryny ulanmak meselelerine garaldy. Gatnaşyjylar tejribe alyşdylar we bu tema boýunça wajyp meseleleri ara alnyp maslahatlaşdylar.

Hemmesi

Bildirişler

05-05-2026

Ýurdumyzyň mekdep okuwçylarynyň arasynda geçirilen ders bäsleşikleriniň jemleýji tapgyry

01-05-2026

Türkmen döwlet binagärlik-gurluşyk instituty “Ak şäher Aşgabat – binagärlik sungatynyň dürdänesi, ylmy-innowasiýalaryň mekany” atly sanly ulgam arkaly halkara ylmy-amaly maslahatyny geçirýär

25-04-2026

Türkmen döwlet binagärlik-gurluşyk institutynyň gurnamagynda ýurdumyzyň orta hünär we ýokary okuw mekdepleriniň talyplarynyň arasynda “IT-Zehin: Sanly Synag – 2026” Hakaton bäsleşigi geçirildi

Duş

Siş

Çar

Pen

Ann

Şen

Ýek

TÜRKMEN DÖWLET BINAGÄRLIK-GURLUŞYK INSTITUTY

Taslamalar

Dalaşgärler üçin

Institutyň içki gurluşy

Aspirantura bölümi

Instituty wideo şekilli tanyşdyrylyşy

TÜRKMEN DÖWLET BINAGÄRLIK-GURLUŞYK INSTITUTY

Taslamalar

"Abadançlyk" binasy

Türkmenistanyň Prezidentiniň ýanyndaky Döwlet gulluk akademiýasynyň binalar toplumynyň şekil taslamasy.

Dünýäniň dürli künjegindäki hyzmatdaslarymyz

Dünýäniň birnäçe kompaniýalary bilen hyzmatdaşlyk

Täzelikler

BILIM – BAGTYŇ ÇYRAGY

Türkmen pälwany 20 ýaşa çenli türgenleriň arasynda Aziýanyň çempiony boldy

Halkara giňişliginde taryhy üstünlik: Türkmen döwlet binagärlik-gurluşyk instituty «THE Sustainability Impact Ratings 2026» global reýtingine girdi

Baý taryhymyz we medeni mirasymyz — ýaş meýletinçileriň ylham çeşmesi

TÄZE ÜSTÜNLIKLER: Türkmen döwlet binagärlik-gurluşyk institutynyň talyby Aziýa we Okeaniýa çempionatynda sambo boýunça kümüş medala eýe boldy

Medeniýet we sungat işgärleriniň güni hem-de beýik şahyr Magtymguly Pyragynyň şygryýet güni mynasybetli guralan ylmy-amaly maslahat

Türkmen döwlet binagärlik-gurluşyk institutynda “Türkmen medeni mirasymyz – müdimi ýol ýörelgämiz!” atly okuw seminary geçirildi

Türkmenistanyň Döwlet Medeniýet merkeziniň Döwlet kitaphanasyna okuw-tejribeligi guraldy

“Taýboks boýunça halkara üstünlik – ýaşlaryň ýeňşi”

“Ösen emeli intellekt goşundylary arkaly bilimi Ýaşyllaşdyrmak: Maglumatlary durnukly herekete öwürmek” atly halkara onlaýn webinar geçirildi

“Magtymguly Pyragynyň dilleriniň senasy – bu gün bagtyýardyr türkmen binasy” atly ylmy-amaly maslahaty geçirildi

AMALY ONLAÝN OKUW SEMINARY

Bildirişler

Bu senede hiç hili bildiriş tapylmady.

TDBGI

Maglumatlar

Habarlaşmak üçin