Berkarar döwletiň täze eýýamynyň Galkynyşy döwründe Hormatly Prezidentimiziň, Türkmenistanyň Ýaragly Güýçleriniň Belent Serkerdebaşysynyň parasatly ýolbaşçylygynda ýurdumyzda ylym-bilime we ýaşlaryň watançylyk terbiýesine aýratyn ähmiýet berilýär. Watan goragçylarynyň güni mynasybetli Türkmen döwlet binagärlik-gurluşyk institutynda geçirilen «Gulluk edýäris jandan eziz Diýara!» atly ylmy-amaly maslahat munuň aýdyň subutnamasydyr.
Bu çäre barada has giňişleýin maglumatlar «Esger» gazetiniň 2026-njy ýylyň 29-njy ýanwarynda çykan 5-nji sanynda neşir edildi. Makalada talyplaryň döwrebap innowasion tehnologiýalary, binagärlik taslamalary we ylmy barlaglary barada gyzykly faktlar getirilýär.
Makalanyň awtory — Türkmen döwlet binagärlik-gurluşyk institutynyň Raýat goranyşy fakultetiniň dekanynyň orunbasary, polkownik Nurýagdy Akmämmedow.
Sizi institutyň sahypasynda ýerleşdirilen şu ähmiýetli çäräniň gidişi we talyplarymyzyň gazanan üstünlikleri baradaky makala bilen tanyşmaga çagyrýarys.
