“Garaşsyz, Baky Bitarap Türkmenistan – bedew batly at-myradyň mekany” diýen şygar astynda geçirilen “Reňklerde janlanan bedewler” atly sergi-bäsleşik Türkmen döwlet binagärlik-gurluşyk institutynyň 2025–2026-njy okuw ýylynyň II-nji ýarym ýyllygynda möhüm medeni-çeper çäreleriň biri boldy. Bu çäre 2026-njy ýylyň mart aýynyň 17-sinde, ýurdumyzyň baýramçylyk günleri mynasybetli, Binagärlik-gurluşyk fakultetiniň guramagynda ýokary derejede geçirildi.
Sergi-bäsleşigiň esasy maksady türkmen halkynyň milli gymmatlyklaryny, aýratyn-da bedew atlara bolan çuňňur hormatyny sungat arkaly şöhlelendirmekden ybarat boldy. Türkmen bedewi, hususan-da Ahal-Teke, diňe bir ulag serişdesi bolman, eýsem halkymyzyň taryhy, ruhy mirasy we milli buýsanjy hökmünde çykyş edýär.
Çärä mugallymlar işjeň gatnaşyp, dürli çeperçilik ugurlarynda ýerine ýetirilen işleri hödürlediler. Her bir eser özboluşly döredijilik çemeleşmesi bilen tapawutlanyp, bedewleriň gözelligini, çalasynlygyny we asyllylygyny janlandyrdy.
“Reňklerde janlanan bedewler” atly sergi-bäsleşik ýokary guramaçylyk derejesinde geçirilip, gatnaşyjylara ruhy lezzet paýlady we milli mirasa bolan hormaty has-da berkitdi.
